أبدى الفنان المصري أكرم حسني انزعاجه من أخذ لحن أغنيته "بالباقي لبان" وهي شارة مسلسله "رجالة البيت" لتُقدّم كأغاني المهرجانات، مطالبا نقيب المهن الموسيقية المصرية الفنان هاني شاكر بالتدخل لوضع حد لذلك.


وكتب أكرم حسني عبر حسابه الخاص: "الحقيقة دي مش أول مرة اتعرض فيها لسرقة شغلي بس الموضوع وصل لحد مايتسكتش عليه .. انا مش ضد اي شكل من الاشكال الفنية طالما بتتقدم في اطار من الاحترام للمهنة و للمجتمع لكن انا ضد كل اشكال التعدي على حقوق الملكية الفكرية و سرقة مجهود و تعب ناس قعدت كتير اوي تشتغل".
وتابع :"عملت اغنية دعائية لمسلسلي الأخير في رمضان اللي كان اسمها "بالباقي لبان " من كلماتي و لحن بلال سرور و توزيع كينج .. و اتفاجأت من يومين ان تم سرقة لحن الاغنية و اتعمل عليها مهرجانين واحد اسمه " هلا و الله " و واحد اسمه " خد فطيرك " .. و دي مش اول اول مرة ابقى عامل اغاني سواء من الحاني او من الحان زمايلي المحترمين اللي بتعامل معاهم و يتسرق اللحن و يتعمل بيه اغاني و دي " سرقة " صريحة تستوجب اتخاذ اجراءات قانونية".
وأضاف :"و عليه بيتم حاليا اتخاذ كافة الاجراءات القانونية اللي تحفظ حقي و حق زملائي الملحنين ضد اللي سرقوا الاغنية لوقف المهزلة دي و بتوجه للنقيب المحترم الفنان / هاني شاكر نقيب المهن الموسيقية بشكوى ضد من تعدوا على اللحن الاصلي للاغنية و باتمنى يكون في قرارات صارمة لعدم تكرار ده".