من خلال صفحته على أحد مواقع التواصل الإجتماعي، عبر الممثل اللبناني ​كميل متى​ عن غضبه بسبب الأوضاع الإقتصادية والسياسية التأزمة في لبنان .
فكتب كميل :"بيحكي رئيس حزب فلان بتلاقي معه حق بيحكي رئيس حزب علتان بتلاقي معه حق بيحكي زعيم طايفة كمان معه حق بيحكي رجل عسكري معه حق بيحكي رجل او رجال دين معن حق... اذا الكل معن حق وين الحق؟ والحق على مين؟ عالطليان؟"
وتابع :"صرلنا 70 سنة تنظير وحاملين كل مشاكل المنطقة وبالجبهات المتقدمة دفاعا عن قضايا وكرامات وتخانقنا وتقاتلنا ولمن كنا نحنا انتو وين كنتوا ولو ما منا نحنا انتو شو صار فيكن... ايه وبعدين؟ شو صار؟ ولا شي عنواين الاخبار بس غيرت الأسماء... مصرين نضل نتقدم الى الوراء؟ واكيد معن حق".
وأضاف :"ما فينا نضل متناحرين عايشين بمنطق بدنا نلغي بعض عشنا جولات ودفعنا شهداء وتبهدلنا وتهجرنا من ورا هالمنطق تعبنا.. مصلحة لبنان وين؟ يعني مصلحة اللبنانيين وين والسؤال الاهم في لبنانيين؟ او في مجموعة ناس؟ اذا كنا مجموعة ناس متناحرة وقررنا نكون لبنانيين منكون قدمنا فشخة...".