بعد إنتشار صورة قديمة لفتاة قيل إنها الإعلامية المصرية وفاء الكيلاني، وتلقي الكيلاني بعض التعليقات السلبية، نفت الإعلامية المصرية أن تكون هي صاحبة الصورة، مشيرة الى ان الفتاة جميلة ولا يُزعجها تشبيهها بها.


وأعادت وفاء نشر الصورة على صفحتها الخاصة، وعلّقت عليها قائلة: "البنوته القمر دي مش انا، ومضايقنيش تشبيهها ليا، والصورة دي دايره بقالها اكتر من سنتين ماعلقتش بشكل رسمي، لأني مش شايفه عيبه في ملامحها وشيفاها قمر كمان، وطول عمري كان نفسي شعري يكون ويفي او كيرلي بدل شعري الناعم، بس حبيت اوضح في الوقت ده
عشان التنمر اللي بأه ضد صاحبة الصورة ع السوشيل ميديا، من ناس عينيها ماتعودتش تشوف الجمال ..
فبتقبح كل ماتراه، وعشان المجلات والمواقع اللي كان نفسي ماتقعش فى خطأ المعلومة، وياخدوا بالهم ان الف باء الإعلام هو التحرى عن المعلومة والتأكد من مدى سلامتها قبل نشرها !، تحية للجميلة صاحبة الصورة وهارد لك لاصحاب النوايا الحسنة".