بعد ان نعى الفنان المصري مصطفى قمر صديقه الشاعر سامح العجمي، تلقى تعليقًا من أحد المتابعين انتقد فيه الأغاني، اذ اعتبرها تلهي الإنسان عن الصلاة قائلًا: "بص يا مصطفى إحنا هنقول الحقيقة ومتزعلش، أنا بدعي إن ربنا يغفر له ويعفو عنه من الذنوب اللي ارتكبها من كتابة أغاني أنت غنيتها وغيرك، ألهت آلاف الشباب والبنات خصوصا المسلم وأنا واحد منهم عن ذكر الله والصلاة وخليتهم يتلهوا بقى في بنت بتحب ولد، بتفكر فيه ولا ولد بيحب بنت يفكر فيها لما يسمع الأغاني والكلمات دي".
واضاف: "دي حرام شرعا، وأنت روحت دفنته وكتبت كلام طويل كده ملوش معنى بصيت على حميد والسرخولجي وزايد كتاب الأغاني وبقيت المطربين المفروض تتعظ ليوم زي دا وتستعد ليه، وتمسح أغانيك الي بتشيل ليها سيئات كل ما واحد يسمعها وتتوب أنت وكل الفرقة، بس وربنا يرحمه ويرحم جميع اموات المسلمين".
بدوره رد مصطفى على المتابع، مشيرا الى انه فهم الدين بشكل خاطئ، قائلا: "ربنا يهديك يا رب أنت يا عيني فاهم دينك غلط، ربنا يتولاك بقى أنت محتاج تفهم دينك كويس، لا حول ولا قوة إلا بالله".
