أحيت الفنانة المصرية أمينة ذكرى وفاة والدها، ونشرت صورة نادرة له عبر حسابها الخاص على أحد مواقع التواصل الإجتماعي، وعلقت عليها قائلة: "النهارده الذكرى الثانوية السابعة عشر لوفاة أبويا حبيبى الراجل اللي اتعلمت منه كل حاجة حلوة علمني الحب والوفاء والرضا الله يرحمك يا أحن أب في الدنيا".

وتابعت أمينة بالقول:"إنت اللي علمتني كيفية التعامل مع الأخرين علمتني إن الواحد مننا عمره ماكان بالشكل ولا اللون ولا الفلوس علمتني إن قيمة البني أدم في تصرفاته ولسانه والتقوى إنه يتقي الله في اللي حواليه كنت بروحلك أوديلك العمود بتاع الأكل لما تكون نبطشية في الشغل".

وختمت أمينة في حديثها: "بالمناسبة أبويا ضابط متطوع في القوات المسلحة البحرية مدمرات وشارك حرب أكتوبر كان بيعامل العساكر بطريقة جميلة ولطيفة لدرجة إنهم كانو مصاحبينه وييجوا البيت يسألو عليه حتى بعد مايخلصو خدمه سبحان الله أبويا ده لو قعدت احكيلكم عليه مش هنخلص الله يرحمك يا أغلى حاجة يا أحن قلب يا أول راجل في حياتي".