ردت الممثلة المصرية ​صابرين​ على الانتقادات التي طالتها بعد ان خلعت الحجاب في مداخلة هاتفية مع الاعلامي عمرو أديب، ضمن برنامج "الحكاية" وقالت: أنا من زمان قالعة الحجاب .. انا كنت ديما بقول اني محتشمة .. أنا من يوم ما لبست الباروكة أنا قلعت الحجاب ..".
تابعت قائلة :"كل ما اعمل عمل فني يتكلموا عن الباروكة، مع كل صورة الناس تعلق على ظهور خصلة شعر ولا جزء من الرقبة، وتعبت نفسيا جدا وقررت خلع التربونة لأنني شعرت إنني مقسومة نصفين ... أنا بعمل أدوار محترمة وقمت بتربية أولادي بتربية محترمة و أنا عمر ما حد اتكلم عني نص كلمة ..".
ثم بكت صابرين بشدة وقالت: الدين أخلاق وحسن معاملة وكلمة حسنة في وجه أخيك، دلوقت حرب عليا بشعة، رغم أن الأمر كله بيني وبين خالقي، أنا معملتش ده علشان أحصل على فرصة تمثيل إضافية لانني بالفعل بشتغل ومكسرة الدنيا وناجحة وآخر مسلسل في رمضان الماضي نجح جدا، وكل سنة بقدم عمل محترم.