تلقّت مقدمة البرامج الدينية ​دعاء فاروق​ انتقادا من قبل بعض المتابعين، بعد مشاركتها في فعاليات الاحتفال بالمتفوقين من أبناء الشهداء، والتقاطها الصور معهم.

وفي التفاصيل ان فاروق نشرت صورة لها مع الشباب المتفوقين، وعلّقت قائلة: "الصورة دي بإذن الله هطلعها لبتوع الونش اللي ‏ككل شوية يكلبشوا عربيتي، يا اخواننا أنا نص الوقت اللي بنزله بدور على ركنة والنص التاني بجري ورا ‏الونش عشان يفك لي الكلبش، أنا عندي عيال عاوزة أربيهم، السادة الظباط المحترمين طلبت منهم صورة ‏أخوف بيها أي حد يضايقني وتكرموا ووافقوا، ربنا يحميهم لمصر هم والظباط اللي بقابلهم في الونش بقينا ‏عشرة خلاص".‏

لتنتقدها احدى المتابعات متسائلة عن انهم اذا كانوا قد اشتموا رائحة عطرها قائلة: " "هما دول بقى مش شامين البرفان اللي حضرتك حطاه؟ لأنهم قريبين ‏منك جدا مش بينك وبينهم متر زي ما حضرتك قولتي في الحلقة".‏

وبعدها اجابت دعاء بالقول: "لا حضرتك مش حاطة برفان مهفهف، وكل واحد أدرى بنفسه وبنوع البرفان اللي ‏بيحطه، كل مشوار وليه بارفان مخصوص، في حاجات خفيفة بتتحط تحت الهدوم محدش يشمها غير اللي ‏حاططها، وفي حاجات نفاذة، هل يا ترى لما كنت بتكلم قولت أنا بحط حاجة نفاذة ولا قولت بحط لنفسي ولأي ‏واحدة صاحبتي بتحضنني، مش معقول والله العظيم كم التعليقات على الموضوع ده، وكم الانتقادات اللي خدتها ‏بسبب الكلمة دي، أنا بحط جاز محدش له دعوة بقى".‏