تعرضت الممثلة المصرية ياسمين غيث لأزمة قلبية حادة بعد ان عرفت بتفاصيل وفاة الممثل هيثم أحمد زكي ونقلت على اثرها الى المستشفى لتلقي العلاج.



وطمأنت غيث محبيها بصورة لها من داخل المستشفى وكشفت تفاصيل ما حدث لها وكيف كانت على وشك أن تموت لوحدها تماما كما حصل مع هيثم وكتبت: "أنا كويسة الحمد لله.. بس الحقيقة إن أنا النهارده الصبح كنت حرفياً بموت.. صحيت على خبر وفاة هيثم أحمد زكي (اللي أثر فيا ووجع لي قلبي قوي من غير ماعرفه) زي غالباً مصر كلها.. وأجبرت نفسي على النوم تاني علشان مافكرش، وكانت دي النتيجة.. صحيت على وجع في صدري رهيب، وجع ناحية قلبي وفضل يزيد جامد قوي وضربات قلبي تعلى وتنزل في لحظة وقلت خلاص دي غالباً يا جلطة يا في الطريق". وأضافت: "كنت لوحدي في البيت.. وركزوا معايا في لوحدي دي، لحسن حظي كانت صاحبتي جاية تاخدني وننزل، طلعت لي لقتني بموت حرفياً وبقول لها خديني المستشفي حالاً أنا بيجيلي".

وختمت غيث بالكشف عن تفاصيل نتائج تشخيص حالتها التي اتضح انها نوبة خوف، وأعطوها الأطباء المهدئات، خصوصا انها كانت مصابة سابقا بمرض السرطان.