وجّه الممثل المصري ​محمد التاجي​ انتقادا لبرامج المرأة التي تعرض على القنوات المصرية، وتحديدا برنامج "هي وبس" الذي تقدمه الإعلامية المصرية ​رضوى الشربيني​ على قناة "cbc سفرة".
واشار التاجي على صفحته الخاصة الى أن هذه البرامج من شأنها تُحدث حرب بين الرجال والنساء، قائلا عن رضوى الشربيني: "دي بتهد دعائم الأسرة.. طب انتي ست فشلتي في جوازك وأنتي أكيد السبب لأنك لو مراتي أنا كنت طلقتك من تاني يوم.. أنا لا اتحمل واحدة ست تتكلم معايا بالشكل ده".
واضاف: "ليه سايبين رضوى دي تبرطع وتقول اطلقي واعملي وسوي .. انا مبشاهدش برنامجها الحمد لله.. لكن أنا كل اللي بيوصلني عن البرامج دي منها، ودلوقت الستات اتقوت وفعلا كل واحدة طالعه تعمل كوميكس على الراجل وتقل من قيمته.. انتوا عايزين مجتمع يقام على ايه بالظبط؟! إن الراجل يبقا دلدول في إيد الست!! احنا مش هنبقا كده وتحملوا بقا نسب الطلاق العالية اللي بتحصل".
وتابع: "مفيش راجل يتحمل على نفسه إن واحدة ست تهزأ فيه.. والله العظيم عيب أنتم بتهدوا كيان المجتمع المصري بالشكل ده.. كل محطة تليفزيون عامله برنامج للستات عشان يطلعوا يتريقوا على الرجالة وتقول إحنا مظاليم.. انتوا فين المظاليم؟!.. انا لو بنتي لقتها محترمتش جوزها اقسم بربي لاقوم عليها أنا مش هخليه هو اللي يقوم عليها يعدلها.. لأن هو كمان بيحترمها.. الراجل بيحترم مراته".