ردت المخرجة المصرية ​بتول عرفة​ على الساخرين من الكلمات التي رثى بها الممثل المصري ​أحمد السعدني​ طليقته الراحلة ​أمل سليمان​، والتي توفيت بعد إصابتها بأزمة قلبية مفاجئة، وقالت بتول :"الناس اللي علقت على بوست أحمد السعدني باستخفاف وقلة ذوق، انتوا أكيد مش بني آدمين ولا عندكم إنسانية، الراجل في لحظة وجع وضعف وقلة حيلة، ربنا ما يكتبهم على حد، احترموا لحظة الموت احترموا، إحنا في يوم عرفة يعني يوم التسامح، اللي عنده دعاء ليه ولمراته الله يرحمها يقوله واللي معندوش ياريت يسكت خالص".

وكان نعى الممثل المصري أحمد السعدني زوجته السابقة وأم أولاده أمل سليمان، وتحدث عن حياته الخاصة وروى تفاصيل حبه لأمل منذ  2003 حتى انفصالهما وسبب ذلك. كما عبر عن ندمه الكبير معترفا بأنه كان يخطط للعودة اليها بعد فترة وانه لم يفقد التواصل معها.
وجاء في الرسالة :"عمري في حياتي ما اتكلمت عن حياتي الشخصيه لكن حسيت اني لازم اعمل كده دلوقتي
فذكر إن الذكري تنفع (المؤمنين)
او الكافرين او المستهبلين او تنفع اي حد ححس اني عملت حاجه
ححاول مطولش يوم ٩/٩/٢٠٠٣ حب من اول نظره في الشارع ما بين معهد السينما حيث كانت تدرس و معهد فنون مسرحيه حيث كنت الهو و ادرس برضه ميضرش كنت راكب عربيه و كانت ماشيه علي رجلها كنت حخبطها لكن حصل خير لا محصلش قوي خبطتتي هي في قلبي حب تقطيع شرايين سنه خطوبه سنه كتب كتاب شهر جواز خلفه اول ولد هنا بدأت المشكله اللي بكتب الكلام ده عشانها
انا زي كتير للاسف شباب anti تحمل مسئوليه بص لنسب الطلاق و انت تفهم انا بيجيلي ارتيكريه لما احس اني مسئول و هي برضه حبيبتي زي بنات كتير بتقول طلقني اكتر مبتنطق اسمي كانت النتيجه في اول سنه بس حوالي ٤ طلاق شفهي كل الشيوخ ساعتها قالولنا ده لعب عيال الطلاق ليه شروط زي الجواز تمام اسكت بقي لا تعالي يا عم طبق الشروط ادي اول طلقه
قشطه يا باشا عشت حياتك ؟ اه ...ارتحت ؟؟ لا 
وحشتني وحشني حنيتها و حبها و هبلها متيجي نرجع يا بت يالا يا متخلف هوووووب جبنا تاني ولد نفس الاحساس نفس الارتكريه بس المرادي صموووووود مش حينفع نتطلق تاني لا تصدق نفعت الجانب الاناني في شخصيتي غلبني يا عم كبر مخك و عيش حياتك المشكله اني عمري مارتحت كنت عايز حضنها و حنيتها و هبلها بس كنت بأجل الرجوع يمكن اكبر او اعقل او اقدر اتحمل المسئوليه بجد حددت لنفسي سن معين ارجعلها فيه قال يعني حبقي نضجت بس ملحقتش
ماتت في لحظه كانت بتكلمني قبلها بساعه و مكنتش عيانه كان عندها ضغط زي اغلب الشعب المصري الحمد لله 
ماتت و مشيت و قررت تسبني للابد كنت فاكرها حتستناني و متاكد من ده مستحيل تحب حد غيري مجاش في بالي انها ممكن تموت دلوقتي صغيره و اكتر واحده في حياتي شفتها بتحب الحياه و عندها طاقة ايجابيه 
ماتت و سابتلي الولدين و الندم 
انا متاكد انك في الجنه رحتي للي خلقك يوم عرفه و اميره و ست البنات و الستات و نضيفه و كريمه و صنتي ولادي و بيتي 
بحبك يا امل حياتي اللي اتهد و بوعدك المرادي حشيل المسئوليه للاسف اتعلمت الدرس بس بعد ما اتحرمت من حنيتك و حضنك و ولادك كمان اتحرموا من احن ام ربنا يقدرني و اربيهم احسن ما كنتي عايزه بحبك و مش بطلب منك غير انك تسامحيني  .. ربنا يرحمك و يرحمني و يرحم ولادنا يا حبيبة عمري الوحيده".