كشفا ال​إعلام​ية ​سالي عبد السلام​ عن عودة المرض لها مجددا، والتي لم تكشف عن اسمه، والذي يصيب المناعة ويهاجم الشعر ويؤدي لسقوطه.

ونشرت عبد السلام عبر صفحتها الخاصة على أحد مواقع التواصل الإجتماعي صورة لها وأرفقتها برسالة طويلة قالت فيها:"اتأكدنا والتحاليل كمان وتاني مالهاش سبب..كلها بسبب الضغط النفسي والزعل جسمك ومناعتك تهاجم الشعر وبدأت تكتر لأنها نشطة الحمدلله..سبحانك".

وأضافت:"محدش مبسوط ١٠٠٪؜ الحمدلله وراضيين وبتيجي حاجات تحزن اقرب ناس ليا تتفاجئ انك شوفتها لما تعرفها منك وعمره ما بان عليا والناس تقولك وتزعل ليه ميعرفوش شايفيناك من برا بس جسمك بيبقى اذكى منك! والله حاولت والله ..مش زعلانة".

وتابعت:"هنبدأ تالت وجرعات تالت وكورتيزون اقراص و حقن وحقن فى الراس تانى ال٧٠ شكة كل اسبوع عداهم في عضم رأسي ..عداهم، ربي يعلم بوجع وألم الكورتيزون في الرأس بالذات،بيحرق و تقيل زي الزيت عشان يدخل الرأس وصداعه ربنا يعفو عنا منه ،امي يا حبيبتي راحت معايا مرة من منظري مستحملتش تيجي تانى،بقيت اروح لوحدي سبحانك والله...غير اضراره الجانبية اللي كنت لسه مخفيتش منها من كام شهر وقفنا بنتعالج من اضراره الجانبية وقلنا الحمدلله خلاص خلصنا".

وأكملت:"بس ابتلاء حب بيختبرك ...والله رضا يا الله، دعواتكم هونت كتيير نزلت سكينة ورضا وصبر ومعيطش المرة دي عشان دعيتولي والله ..هو ايه الحب الحلو ده! ويهزروا ويقولولي عملتي العمل فين عشان الناس تحبك كدة، مغرورة بحبكم!! والله الحاجة الوحيدة اللي بتباهى بيها واتغر واتبسط واقف اشكر ربي واقول اللهم ديمها نعمة في قلبي".

وختمت بالقول:"اللهم اشفي مرضانا يا رب لا تبتليني في صبري ..اللهم اعفو عنا يا رب يا رب يروح ما يجي تاني يا رب نبطل نفكر ونزعل و نتوتر ونفصل و نروق ونمشي بعيد :) يا رب".

View this post on Instagram

A post shared by Sally Abdalsalam (@sallyabdalsalam)on