قالت الممثلة المصرية مديحة حمدي إنه كانت في حياتها تجربتان صعبتان جداً، وقالت عن التجربة الأولى :"كانت لحظة ماجيت من السفر لقيت أحد أبنائي توفاه الله، وغضبت وكلمت ربنا وقتها وقولت كلام كتير".

وأضافت متحدثة عن التجربة الثانية :"كانت خلال إجرائي عملية جراحية، وكنت قرأت من قبل أن الروح تشعر بعد الموت، وحتى الدفن بالقبر، كنت بعمل عملية وكنت بخاف من البنج جدا، لأنه الإنسان مبيكونش في وعيه، ولقيت نفسي بسمع ومش شايفة، وحاسة وسامعة بيقفلوا الجرح إزاي ومكنتش قادرة أتكلم ولا قادرة أتحرك، ولا شايفة بس حاسة بكل حاجة، وحسيت إني متوفية وسامعة الأحياء واستمرت اللحظة دي 5 دقائق، وساعتها استنجدت بربنا".

كلام حمدي جاء في برنامج "كلم ربنا" مع الإعلامي أحمد الخطيب عبر راديو "9090".