هنأت الممثلة المصرية ريم البارودي صديقتها الممثلة المصرية مي عز الدين، على مسلسلها الجديد "البرنسيسة بيسة"، والمقرر عرضه في الموسم الرمضاني المقبل، كما وجهت رسالة لأبطال العمل.

ونشرت البارودي عبر صفحتها الخاصة على احد مواقع التواصل الإجتماعي، صورة لبوستر المسلسل، وعلّقت: "مش غريبة ولا جديد على النجمة مي عز الدين التغير والتنوع لأن على مدار مشوارها الفني سواء في السينما أو الدراما لازم هتلاقيها تدور على الأصعب وهذا يرجع لاحترامها لفنها ولجمهورها".

وأضافت: "أول ما شفت صورة الحاجة (سكسكة) أصبح عندي فضول كبير لمشاهدة حلقات المسلسل اللي متأكدة إن هيبقى في أكتر من شكل وأكتر من شخصية وهو ده العادي والطبيعي من البرنسيسة، البرنسيسة بيسة هتابعه في رمضان وانتم كمان لازم تشوفوه بالتوفيق ليكي يا ميكا إنتي وكل الأبطال أمام وخلف الكاميرا ألف مليون مبروك حبيبتى".

بدورها ردّت عز الدين على تهنئة البارودي، فكتبت: "ربنا يخليكي ليا يا أعز أصحابي ادعيلي وبجد مش ناقصني إلا وجودك جنبي كالعادة وحشتيني ومستنيه مكالمتك بعد ما تتفرجي".