أعرب المخرج المصري أكرم محمود البزاوي عن غضبه بعد حذف والده الممثل محمود البزاوي من بوستر فيلم "كازابلانكا" الذي يشارك فيه، ويقدم دورا مهما، بحسب تعبيره.

وهاجم أكرم القائمين على العمل، حيث كتب عبر صفحته الخاصة على أحد مواقع التواصل الإجتماعي قائلاً :"مبدأيا أبويا ماعندوش أي فكره عن البوست ده، أنا أبويا طيب ويمكن طيبته دي هي اللي كانت سبب في تأخير نجاحه وأنه كتب من الباطن كتير مثلا زي ما قولت قبل كده وكان دايما بيعمل حاجات وتنجح و مفيش حد يعرف أنه لي دور في نجاح العمل ده بس اللي كان بيصبره ان ربنا هيعوض ".

وأضاف :"وبعد ما قدر يوصل بدراعه للي هو فيه لسه في ناس مش مقتنعه بي .. بس ده حقهم لأن مفيش حد عليه إجماع بس طالما مش مقتنع بحد يبقى ماتحرجوش و أبعد عنه أحسن لأنه في نظرك مش الشخص اللي يفيد".

وتابع :"في رأي الشخصي ناس كتير بتعرف تتصور بس مش الكل بيعرف يمثل .. وأسف لو كنت منحاز أوي في كلامي لأبويا بس زي ما قولت ده أبويا اللي نجاحه بيسعدني أكتر ما بيسعدني نجاحي.
وختم بالقول :"ملحوظة: أبويا قالي أنه عامل دور مهم في الفيلم ده .. ويمكن بيكدب عليا وطالع كومبارس .. ساعتها هاتأسف على البوست".

وتلقى أكرم على كلامه هذا تضامناً كبيراً من قبل عدد من الممثلين بينهم الممثل المصري صلاح عبدالله الذي قال له :"تعرف يا واد يا مكرم أنا بحب حبك لأبوك قوي قوي ومعجب بيه لأقصى درجة وبدعيلك وبدعيله وأبوك استحمل كتييييييير وربنا كبير والحمدلله في الفترة الأخيرة كل الناس بتشاور بكل التقدير والإحترام والإجلال لمحمود البزاوي واللي جاي أحلى وأعظم بإذن الله بغض النظر عن الأفيش".

وأيضاً الممثل أحمد السعدني الذي قال له :"مش بالأفيشات يا إبني، أبوك ممثل وأب وإنسان عظيم.

والفنانة مي كساب التي قالت :"الأفيش بيترمي والفيلم هو اللي بيفضل في الآخر".