بعدما الإنتقادات التي طالتها بسبب اعلانها عن أنها ستطرح أنشودة دينية في شهر رمضان المقبل، ردت الفنانة المصرية سما المصري على طريقتها الخاصة حيث نشرت صورة لها عبر حسابها الخاص على أحد مواقع التواصل الإجتماعي وعلقت :
"الناس اللي زعلانة وبتحزق أوي في نفسها عشان هعمل أدعية دينية في رمضان.
. وبتقول إني منافقة.. وإزاي هطلع بأدعية وفي نفس الوقت بطلع بالبرجين".
"أحب أقولكم إني فعلا هعيش حياتي عادي ببرجين أو أي حاجة أنا عايزة أعملها.. وفي نفس الوقت هعمل أدعية زي ما أنا عايزة.. واللي أخد صك احتكار الدين له يطلع يوريهولي".
"أنا أبقى منافقة صحيح لو طلعت بوجه قدام الناس وبوجه آخر من وراهم.. لكن أنا واضحة وصريحة وبطلع بكل وجه يخطر علي بالي قدام الناس مش عاملة شيخة قدام الناس ومن وراهم خرباها".
"لا أنا ياعم أنت وهو خرباها قدامكم ومن وراكم ولا تزعلوا.. كل واحد بقي يخليه في نفسه.. وربنا اللي هيحاسبني مش حضراتكم.. بس خلاص.. واللي أنا عايزاه هعمله.. واللي يعمل زينا نقوله ياعمنا".
كما عادت ونشرت المصري مقتطفاً من الدعاء الذي تسجله لرمضان في الستديو.
