أعرب مخرج مسلسل "طلعت روحي" وبعض أبطاله عن إستيائهم وإستغرابهم لما تقوم به المحطة التي يعرض عليها العمل حالياً.

ونشر المخرج رامي رزق الله، عبر صفحته الخاصة على أحد مواقع التواصل الإجتماعي، صورة كتب فيها :"للتوضيح قناة cbc بتغير حلقات مسلسلي طلعت روحي بداية من حلقة 37، ابتدا زمن الحلقة بقصر وقفلات الحلقات تتغير.. ده شيء محبط جدا بالنسبة لي كمخرج لأن دي كانت من أكتر الحاجات اللي اهتميت بيها في المسلسل".

وأضاف :"أنا بتفرج على حد بيبوظلي شغلي لهدف واحد هو زيادة عدد الحلقات وزيادة الفترة الإعلانية وللأسف دي مش أول مرة تحصل في مسلسل ده حصل قبل كده في هبة رجل الغراب".

وبدورها ردّت الممثلة انجي وجدان على ما قاله رزق الله قائلةً :"رسالة من مخرج العمل على تغير المسلسل الفترة اللي فاتت.. كذا حد كلمني على الموضوع ده وانهم بيتفرجوا على جزء كبير من الحلقة القديمة وبعدين جزء من الجديدة.. وفي زميل افتكر ان شغله اتمسح واكتشف ان مشاهده اتاخرت ٣ حلقات".

وعلقت الفنانة آية عبد الله أيضا قائلة:"أيوه أنا كمان ملاحظة كده جدا وقولت لأستاذ رامي".