دافع الفنّان اللّبناني زياد برجي عن الممثّلة نادين الراسي وطلب من منتقديها ان يتركوها بحالها، معتبرا ان كل شخص يتكلم عنها بالسوء هو عدوها وأكد انها ستعود كما تعود الجمهور على رؤيتها :"رح ترجعي نادين الراسي يللي الناس تعوّدت تشوفها، نادين طيبة وكريمة كتير.
عيب على شرفَك أو شرفِك يا أي إنسان حكيت كلمة عاطلة عن نادين.. وكل حدا حكي عن نادين بالعاطل هو عدوّي.. تركوا البنت توقف كيف بدها توقف على إجريها.. اتركوها تعرف تلاقي دواء وتوقف من جديد".
وأضاف: "هيدي البنت لما جابتني على مسلسلها ما كان معي آكل.. خلي كل يللي عم يهاجمها هلأ يوقف وقفة معي متل ما عملت هي".
من جهتها، ردّت نادين الراسي على ما قاله زياد برجي في لقائه مع "الحرة" قائلة :"ريتك تقبر قلبي يا زياد الحرقة اللي بقلبي بيّنت بغصتك وبرقّة عيونك والله بيشهد عحالنا يا إبن البيت يا وفي.. لقمتنا وحدة لآخر يوم بحياتي".
