فاجأت الممثلة المصرية رانيا يوسف متابعيها بفيديو نشرته على يوتيوب ظهرت فيه بملابس النوم وذلك بهدف التحدث عن معلومات عنها وتفاصيل عن حياتها.

وقالت رانيا يوسف: "أنا بصحى بدرى حوالى 8 ونصف وأول حاجة أكل قراصيا ولوز وأشرب القهوة وأقعد ساعة ونص عقبال ما فوق وأخد شاور وأشوف تليفوناتي وأبتدئ اتحرك".

وأضافت: "أول ساعة ونصف لسه مش بكون مفوقه وبعدين أبتدي أتفاعل، وأحب أسمع الراديو أسمع القرآن الكريم 10 دقايق وبعد كده الأغاني وأخد أول ساعة ونصف أغير فيها مودي، وبعدين أبتدي لوكان عندي مشواير أو تصوير أروح".

وتابعت :"أحب اصحى لوحدي ومش بحب حد يصحيني، وأنا لو مرايا حاجة ببقى على طول قلقانه، وكل شوية أقوم أبص فى الساعة".

من جهة أخرى، تستعد رانيا لبدء تصوير أول مشاهد مسلسلها "ملايكة إبليس" الأسبوع المقبل، وهو من تأليف محمد أمين راضي، وإخراج أحمد خالد موسى، ويشارك في بطولته غادة عادل، إيمان العاصي، سلوى خطاب، محمود الليثي وغيرهم.