بعد تداول المتابعون عبر مواقع التواصل الإجتماعي صورة من حفل خطوبته على فتاة من خارج الوسط الفني، مع تعليقات ساخرة من تصريحاته التي أطلقها مؤخرًا حول ضرورة التزام من يرتبط بها بالاحتشام، مقارنة بظهور العروس بفستان مكشوف الصدر.

أبدى الممثل المصري أحمد العوضي عن غضبه وإنزعاجه من الموضوع وكتب عبر صفحته الخاصة قائلاً:"طيب مبدئيًّا كده صور الخطوبة اللي ظهرت الفيس بوك إمبارح دي، من سنة ونص.. تاني حاجة أنا كنت خاطب وزي أيّ علاقة في الدنيا قسمة ونصيب.. تالت حاجة أنا كنت خاطب واحدة لو قعدت أقول عمَلِت إيه عشاني من هنا لسنين قدام، مش هيكفي، فهي وأهلها يفضلوا دايمًا على راسي... رابع حاجة كل الرجالة اللي اتكلمو في حقي كلمة حلوة أو حتى انتقدوني لشخصي على راسي".

وأضاف:"الناس اللي اتكلّموا في فستان خطوبة مقفول من فوق (وكانوا متخيّلين إني هلبّسها عباية) ونظّروا على بنت محترمة عشان يضربو فيّا أنا.. فإنت لو كان أبوك تعب شوية على إنه يعلّمك أنّ الحريم خط أحمر، وإنك لما تحب تضرب في راجل بيبقي منك ليه.. لو كان علمك كدة كان زمانك فاهم في الأصول... فإنسَ بقى أني ممثل والكلام ده، لا أنا في الأول والآخر منكم يعني وارد تقابلني في أي مكان، أنا مش عايش في النمسا فاعمل حساب إنك خضت في سيرة ناس مني".

وتابع:"واسترجل كدة وسيبك من جو حرفين هتكتبهم وقلبك ميت، عشان ساعة الجد الموضوع بيختلف، محروق من حاجة اسأل أنا بروح فين وتعالي قولي أنت وأنت وأنت وأنت، عادي بس هتعمل فيها غلنديزر على الفيس بوك... ولما تخطب يا حلو ابقى لبّسها عباية في الخطوبة أو خبّيها، أقولك أبقى لبّسها بدلة عشان أنت أرجل مني يا جامد".

وفي الختام إعتذر من خطيبته السابقة رنا رشيدي قائلا:"آخر حاجة أنا سنيغل فيا ريت بلاش كلام في حاجات غلط.. كل الشكر للناس اللي انتقدت كلامي ككلام إنه شرقي زيادة، وكل الشكر للناس اللي شايفة إني صح... صباح الفل عليكم وكل الاحترام لبنت أنا مشفتش منها غير كل خير واحترام.. وأنا آسف ليكي".