بعد أن هاجم الفنان المصري محمد رشاد الإعلامية المصرية ريهام سعيد بسبب تناولها في حلقة من برنامجها "صبايا" تفاصيل تأجيل زواجه من الإعلامية المصرية مي حلمي قبل ساعات من إقامته متهماً إياها بعدم دقة مصادرها والتدخل في حياته الشخصية، ردّت سعيد على إتهامات رشاد هذه حيث نشرت عبر صفحتها الخاصة على أحد مواقع التواصل الإجتماعي صورة كتبت فيها تحت عنوان "رد واجب لفنان صاعد" قائلةً :"أنا في حالة صدمة من تصريحاتك، الصحافة بتتكلم لمدة 3 أيام ومقررتش ترد غير عليّ، مع إني الوحيدة اللي متكلمتش على سبب الانفصال لأنه خاص بيك".
وأضافت :"مفيش حاجة اسمها حياة شخصية لشخصية عامة، وهي دي الضريبة وبالرغم من علمنا بالموضوع يوم الأحد، ماذعناش حرف، لحد ما الصحافة كلها اتكلمت، ومي دخلت المستشفى، ولحد ما كلمتها مكالمة وقالت هتتكلم عن الموضوع في برنامجي".
وتابعت :"حضرتك قمت بتأليف سيناريو إن أنا قلت إنك اتخليت عنها، ممكن يكون ده إحساسك، لكن أنا مقولتش حاجة شبه كده حتى، أنا قُلت بتمنى إنكم تتصالحوا ولو محصلش يبقى خير ليكم إنتوا الاتنين".
واستكملت :"أنا قُلت إني بتكلم عنها مش عنك، لأن البنت دائما بتتأثر بإلغاء الفرح أكتر من الراجل، أستاذ محمد رشاد الـ 5 دقايق اللي في صبايا، اللي بتمنى فيهم الشفاء لزميلة وبواسيها، مايجوش حاجة جنب الأخبار اللي على المواقع".
وختمت بالقول :"متاخدش ريهام سعيد كبش فدا، وركز في مرض خطيبتك وإلغاء زواجك اللي هما أهم بكتير، وللعلم مصادري من أقرب المقربين لمي، وموثقة بصور المحادثات، وأخيرا زي ما قلت في الحلقة اللي إنت ماشفتهاش، بتمنى لكم التوفيق".
