نشرت الممثلة بدرية طلبة مقطع فيديو للممثل أحمد حلمي يروي فيه عن معاناته الصحيّة والتنمّر، وذلك عبر حسابها الخاص على احد مواقع التواصل الاجتماعي.
وكشفت بدرية من خلال هذا الفيديو عن تعرّضها للتنمر قبل شهرتها، حيث كانت مريضة بالغدة ما سبب لها نقصا لافتا في الوزن وعدم توازن، واستمرت معها هذه الحالة لفترة طويلة، فإتهمها الجمهور حينها بأنها تأخذ موادا مخدّرة.
وكتبت طلبة قائلة: "حصلي فعلا كنت مريضة بالغدة ومكنتش أعرف اللي بيحصلي ده من أعراضها كانت مخلية وزني 45 كيلو وجاحظة عيني ومسببة لى زي شلل رعاش وعدم توازن وكنت على المسرح ووقعت".
وأضافت: "وأنا بحاول أقوم سمعت واحد في الصف الأول بيقول البنت دي بتشم، خلاني أدمرت نفسياً، لأنى أصلا مش مدخنة، وممنوع أتواجد فى مكان فيه دخان لأني مريضة صدر، وعلشان كلامه الجارح ربنا أكرمني بدكتور وأستأصل الغدة اللى كانت خبيثة".
وتابعت: "الدكتور قالي رجوعي لحالتي الصحية ولوزني وشكلى الطبيعي حياخد سنين بعد العملية، كنت كل ما أشوف حد بيتكلم ويبص عليا أفكر أنه بيقول نفس الكلام الجارح لحد ماشوفت فيلم آسف على الإزعاج اللي غير مجرى حياتي وخلاني أفترض حسن النية في اللي بيتكلم أو بيبص لي، وفعلا كان ربنا أكرمني واتعرفت والناس بيتكلموا علي طعامتى وخفة دمي".
وختمت قائلة: "وكان ربنا أكرمني وجبت مكياج داريت الهالات السودة وحبيت عيبي وحبيت الهالات السودة وهي حبتني وتعايشنا مع بعض، وحمدت ربنا أنه أكرمني بعيب بقدر أداريه بالمكياج، اللي بيقوله أحمد حلمي مهم أوعى تدوس على جرح حد وتعايره بأي عيب فيه حرام حرام حرام تسلم يابرنس".
