بعد تعرّضه لحادث سير ونجاته منه، نشر الفنان ليث ابو جودة صورة عبر حسابه الخاصّ على احد مواقع التواصل الاجتماعي، وعلّق عليها قائلا: "اشتقتلكم فرجعتلكم.
. الحمد لله على اللي صار، فترة كانت صعبة، وأخذت مني كتير وقت وبسببها تأجلت أمور في حياتي، بس دايما ننظر بشكل إيجابي، لأنه بهالفترة عرفت كم المحبة الموجود بيناتنا، وعرفت وتأكدت أنه ما فيه شيء أهم منها".
وتابع: "برجع بشكركم على صبركم معي، وعلى كل شي عملتوه، و شكرا لأصحابي اللي وقفوا جنبي، وكانوا دائما بيتطمنوا عليّ، وقبل ما أطلب الشيء يكونوا عملوه، أنا بعتبركم أخوة.. وعن جد بوجودكم بحياتي، وبوجود هاد النوع من الصدق في المحبة، ما شيء بيقدر يكسرنا أبدا أبدا، راجع أكمل أموري اللي استوقفتها، بسبب الحادث وهنرجع أكتر من الأول كمان.. وهلّا شاركتكم بصورة جديدة، عشان بعرف زهقتوا من القديم المكرر.. فسمعوني سلام كبير كتير، ودلعوني كأني مثلا جاي من سفر وهيك جاملوني".
