أثارت الفنانة نادين الراسي ضجّة بين متابعيها الّذين تأثّروا بشكل لافت بآخر منشور شاركتهم إياه على إحدى صفحاتها الرسمية عبر مواقع التواصل الاجتماعي، والّذي جاء تحت عنوان "خواطر نادين الراسي".
وكُتب في المنشور: " تِعبِت إيّامي و سنيني، يا رَبّي لوَين موَدّيني ... ما بَدّي إضعَف قوّيني ارحَمني من نهاية حزيني احمي قَلبي من أنيني ارحمني تعبت من الوجع ... أنا اللي فيني مكَفّيني سامحني خُلِص الدّمع ... عيوني من حقوقي حَرَموني بكّير الرّصيد انقطع ... "من يوم اللي خلقت انجبلت بالحنّيّة و ما خلّيْت إذا موجوع لاقيت إِلَّا و عإيدو شدّيت بِعيونو الدّني حَلّيت و حملت معو الوجع .... هيك كبرت و تربّيت و بوجّ الدّني انحطّيت إرتكي من حيط لحيط تبيَوم قَلبي انشلع ...."
وتابعت، "ما سلِمْت من سكاكين كتار من غَدر و ظُلْم الْبَشَر و بحرقة حمِلت الأضرار عن اللي خاطري كَسَر .... همّي إحمي ولادي الصّغار من شرّ الدّنيي اللي انتشر و تغلغل بقلوب كتار عَمَصْلَحتهم و أنانيِّتهم فقَدو البصر" .... "وَحدي و لَحالي تحَمّلت و من التّجارب تعلَّمت بِعَزم و صدق كمّلت لا إنكسرت و لا استسلمت .....".
