بعد سؤال أحد متابعي الفنانة نسرين طافش حول ما إذا كانت ستتوقف عن التمثيل لتتفرغ للغناء ردت الفنانة في صفحتها الرسمية على أحد مواقع التواصل الاجتماعي، حيث نفت هذا الأمر جملة وتفصيلاً معلنة أن شغفها الأول والأخير هو للتمثيل وقالت في سلسلة تغريدات :
"أحد المحبين فكرني رح اترك التمثيل و ضل بالغناء و انو كتار مفكرين هيك .
. قللي ما بدنا نكسبك مغنية و نخسرك كممثلة .. يتبع .."
أضافت :"رح قلكون متل ما جاوبتو : التمثيل دراستي بالمسرح و شغفي الأول و مهنتي الاساسية .. الغناء هواية ممتعة بتسعدني و بتسعد محبيني ".
وتابعت :"سعاد حسني ممثلة و غنت .. و شادية ممثلة و غنت .. و نجحو بالتنين بس ضل التمثيل شغفهم الاول ولو كان في فيديو كليبات بايامهون كانوا عملو .. و أنا هيك بتعلم من الكبار من شغفهم و مواهبهم و حبهم للفن .. و لو تركت الفن بيوم من الايام رح اتركو عن رغبة شخصية بدون اي مؤثر خارجي .. ".
وأردفت :"كل انسان قادر يبدع بمجال و تنين و عشرة لانو قدرات الانسان غير محدودة لما بيشتغل على نفسو و بيآمن بحلمو ،
وختمت نسرين طافش بالقول :"الحياة رحلة جميلة رغم جميع التناقضات الي احيانا ما منفهم مغزاها .. و قدراتنا جميعا غير محدودة بس اسمح لروحك تعمل الي بتحبو .. و استمتع".
