شكلت وفاة الراقصة المصرية غزل صدمة خصوصاً لأصدقائها ومحيطها، ويبدو أن صديقتها الراقصة برديس تأثرت جداً برحيلها لدرجة أنها أعلنت مجال الرقص الشرقي، مرجعة قرارها لرحيل الراقصة غزل، التي رحلت عن عالمنا الأسبوع الماضى.
وعلقت برديس عبر صفحتها الرسمية على أحد مواقع التواصل الاجتماعي :"لكل حبايبي وإخواتي وأصحابي اللى بيحبولي الخير أحب اقولكم أنا اعتزلت الرقص الشرقي تماما وقرار لا رجعة".
وأضافت: "بجد أد إيه الإنسان لسان في ثانيه عند ربنا وأنا كنت على علم بكده بس بجد الواحد كان في غفله قسما بالله إن أول مره أفقد حد كنت بشوفه قدام عيني من نفس المجال والله العظيم من يوم سماعي الخبر وأنا مدمره وعدم حضوري الجنازة والله العظيم كنت خارج مصر بس الله يرحمها وقطع لسان أي حد يجيب سيرتها".
وواصلت:" محدش عالم بظروف حد إلا ربنا فالحمد لله ده قراري بجد وعلى فكره أنا مش لبسه الحجاب أنا عايشه حياتي بالتزام وعايشه سني اللى بيضيع مني فى مجال كله ياله نفسي وربنا يديني الخير ويديني الذريه الصالحه وأنا مش مسؤولة عن أي صفحه تنزل صور ببدل أو أي فيديوهات أو أي كليب نزل او هينزل دي حاجات قديمه انا صفحتي دي الشخصيه، وأنتو كلكو أصحابي وبحبكم. ربنا يحسّن خاتمتنا وموت الغفلة ويهدينا جميعا".
