عبر حسابها الرسمي على أحد مواقع التواصل الاجتماعي، كشفت الممثلة راندا البحيري عن تعرضها لعملية نصب من إحدى الشركات العقارية التي استغلتها في الدعاية لأحد مشروعاتها دون أن تدفع لها المقابل المادي.

وكتبت: "عملوا من فتره قصيرة event كبير جدا، وطلبوا من جنات إنها تحيي الحفلة وإني أكون موجودة كضيفة شرف، وأكيد فيه مقابل مادي لده."

وتابعت: "أنا سبت شغلي وكان سفر وبيتي ونزلت اعمل لهم دعايهة لمنتجهم، وفهمت كويس عن المشروع واتكلمت عنه في اكتر من محطة تليفزيونية واستغلوني في جميع دعاياتهم واستغلوا وجودي واسمي، وبعد ما الشغل خلص اختفوا و مدوليش حقي المتفق عليه."

وأضافت: "عايزة أعرف. هل الوسيط اللي بيني وبينهم هو السبب وهو اللي نصب عليّ، ولا هم شخصيا، لأنهم لو عملوا حركة زي كده و نصبوا على ممثله ليها اسمها. يبقى هيعملوا ايه في الزباين اللي هيسلموهم شققهم المفروض؟؟ عموما أنا منزلة البوست ده علشان عايزة أعرف هل الوسيط هو اللي سرقني. ولا هم شخصيا. و مستنية رد منهم. لأنه مفيش حد فيهم بيرد على تليفونه. وإن شاء الله خير."