اعتذر الشاعر ايمن بهجت قمر من الفنان عمرو دياب بمناسبة صدور ألبوم دياب الجديد "معدي الناس" وقال: "بقالى فترة بفتح صفحة جديدة مع كل الناس عشان كده مش هتكبر النهارده إنى أعتذر وأبارك لأخويا الكبير وعشرة العمر الفنان عمرو دياب على الألبوم الجديد".
وأضاف قمر، "خمس سنين زعل كتير أوى بصراحة وأنا غلطت لأنى أقحمت عمرو فى مشكلتى مع روتانا، وغلطت أكتر لأنى أظهرت الخلاف ده فى العلن، ولكن الواحد طول الوقت بيتعلم ومحدش كبير على الاعتذار".
وتابع أيمن بهجت قمر، "ويا عمرو زى أنا ما غلطت فى العلن بعتذر لك فى العلن، أنت فوق إنك فنان كبير أنت أخ حقيقى على المستوى الشخصى أنا افتقدته وعفا الله عما سلف ..وعايز أقدم اعتذار لجمهور عمرو اللى زعل على زعله وحقكم على راسى من فوق.. وصافى يا لبن".
القصة بدأت عام 2009 حينما طالب بهجت قمر عمرو دياب بالتدخل لدى شركة "روتانا" المنتجة لأعماله من أجل حفظ حقوقهم كمؤلفين وملحنين، ووصلت إلى ذروتها عام 2012 ما تسبب في اشتعال الأزمة بينهما، وأصدر وقتها عمرو دياب بياناً أكد فيه استبعاده لأيمن بهجت قمر من العمل في ألبومه.
