رد الممثل المصري آسر ياسين على انتقادات عدد من جمهوره حول الألفاظ الخارجة التي استعملت في فيلمه 18 يوم الذي أخرجه شريف عرفة وعلق في صفحته الخاصة على أحد مواقع التواصل الاجتماعي :
"ناس كتير علقت بالسلب والإيجاب عن الألفاظ و"الأصوات" في فيلم #18يوم .
.مجرد التعليق بالنسبة لي فهو إهتمام من الجمهور بالفيلم ورسالته بس اننا نركز علي أن ليه الالفاظ ولا لأ بتتقال، بيقلل من مضمون الفيلم..احنا كلنا بنتفرج علي أفلام أمريكاني وبنسمع كلمة f**k وغيرها مليون ألف مرة بس لأننا مش متعودين علي النوع ده من الواقعية (حتى أنا شخصياً) فأحياناً بنتخض أننا نشوف فنان بنحبه أو معروف بينطق الألفاظ ديه زي ما بنسمعها في الشارع..مع ذلك حقيقي مبسوط من ردود الفعل وقد إيه الناس كان نفسها تشوف الفيلم ده وقَدرت ظروف المرحلة وأننا حاولنا نجسد عدة شخصيات من خلفيات مختلفة علي قد ما قدرنا.
معلومة أخيرة: لم يتقاض أي فنان أو فنانة أي أجر حرصاً منا علي تأريخ المرحلة وحفظها بغض النظر عن المادة. بالنسبة لي هي كانت تجربة شخصية تجاه حدث من أهم ما رأته بلادي ويستمر تأثيره إلي الآن في العالم أجمع.
أتمني أن نكون أصبنا،
وفي الأول والآخر الحكم لكم..
تحياتي لكم جمهوري العظيم"
ورداً على سؤال من إحدى متابعاته قالت فيه :"بس هو انت مش شايف أن المفروض كان يكون بدري شويه؟يعني مفيش منه أمل دلوقتي وبعيداً عن كل حالة الفيلم حُلو جداً"، رد ياسين :"معاكي،هو للأسف كان مقرر عرضه من 6 سنوات واتأخر لأسباب غير معلومة..حتي النسخة الحالية مسربة!".
