بعد شائعة زواج الفنان المصري عمرو دياب من الممثلة المصرية دينا الشربيني، حسم الممثل المصري عمرو عبد العزيز الجدل حيث كتب عبر حسابه الخاص على أحد مواقع التواصل الإجتماعي التالي:
رساله للي بيهروا في موضوع عمرو دياب ودينا الشربيني.
.. انتوا مالكوا اللي عندة كلمه حلوة يقول مبروك وربنا يباركلهم يارب.. واللي معندوش يتلهى على عين أهله ويحط لسانه في بوقه.
وأضاف: "بعدين الراجل والست اتجوزوا على سنة الله ورسوله يعني مش متصاحبين ولا ضاربين ورقه عرفي، ياريت نبطل هري بقى".
من ثم عاد عبد العزيز ومسح تعليقه وكتب التالي:
ياجماعه للتوضيح
انا قريت خبر على النت في موقع بابارتزي كان الموقع بيقول بالنص انهم اتجوزا دة كل اللي انا قريته وبناء عليه قولت
لو اتجوزا نقولهم الف مبرووووك ونهنيم والناس اللي مدايقه ماتقولش كلمه وحشه في حق حد وتسكت احسن
والله دة كل اللي انا قولته فقط لاغير وسواء اتجوزوا أو ماتجوزوش والله انا ماليش علاقه
انا كل اللي كان مدايقني فقط هو هجوم بعض الناس اللي كتبت كلام وحش بس .....هو دة كل الموضوع ليس أكثر ولا اقل
