وجه الفنان تامر عاشور رسالة إلى الفنان تامر حسني محذراً إياه من أعداء النجاح، وذلك عبر صفحته الخاصة على أحد مواقع التواصل الإجتماعي.
وعلق عاشور قائلاً "في فرحة كبيرة قوي بيستناها الفنان كل سنتين مرة وهي فرحة"إصدار البومه" عارفين يعنى أيه إصدار البوم بالنسبة لفنان ؟ يعنى بينام ويصحى يحلم بيه مبهزرش والله العظيم، التعب اللي قبل الألبوم بيروح لما يتم إصداره بتاريخ ووقت وشكل دعاية معينين وانتظار أراء الناس اللي بتحبه وتباركله وتهنيه كل ده لما مبيحصلش بيفضل الفنان تعبان لحد الألبوم اللى بعده بجد من جواه".
وتابع عاشور :"ده مالوش أي علاقة بنجاح الألبوم تامر حسني البومه هينجح كالعادة إن شاء الله بس كلمة من أخ ليك أعداء النجاح اللي مالهمش علاقة بيك متشغلش بالك بيهم، لكن أعداء النجاح اللي بتشتغل معاهم " خطر" بيمثلوا 24 ساعة في اليوم أو بيتاجروا في المضروب بنسبة كبيرة وكبيرة جداً اوعى تصدق اللي انا سمعته قبل كده ونجاحك هيقتلهم وهيمحيهم اكتر ما هم اتمحوا وبرضو متركزش معاهم، افرح بالبومك انت عامل أحلى شغل مع كل الناس".
