اعشقي فيا جنوني
كوني بيا وليا كوني
خطوتي وفرحي وسكوني
حطمي جدران سجوني
واسجني قلبي وعيوني
جوه قلبك
اسمحيلي إني احبك
وارسميلي طريق ف دربك
المهم اني ابقي جنبك
اشهريني سيف ف حربك
و اقطعي بيا الرؤس
واطعني بيا النفوس
اللي العن من المجوس
ولا اقولك..
اسمحيلي ابقي قلمك...
وابقى حلمك ...
وابقي علمك...
بس يا لو تسمحيلي
راح تشوفي النور في ليلي
اقوي من نور الشموس
صدقيني …
انا مش جاسوس
ايوه قالو عني
خاين بس دول قابضين فلوس
لجل ما يغمو عنيكي
ويكسرو بالزيف ايديكي
وحبهم مش حب فيكي
و الله انا خايف عليكي
طب هقولك...
فاكره لما رضيو ذُلّك
و ع الطريق ولا حد دلك
مش انا اللي غلُبت اقولك
وبردو مسمعتيش كلامي
انتي ايه....؟
بتعندي ليه....؟
ما تسمحيلي
وصدقي حلمي ونديلي
وسيبي قلبي يحس بيكي
كوني ليا وبيا كوني
خطوتي وفرحي وسكوني اسمحيلي .
