يواصل الممثل يوسف الخال دعمه لتظاهرة حملة "طلعت ريحتكم" المستمرة في ساحة رياض الصلح حيث عبّر عن رأيه عبر حسابه الرسمي ليل أمس كاتباً :
"يعني إذا رئيس الحكومة يستنكر ما يحصل ورئيس جمهورية ما في فإذاً مين عم يعطي كل هالأوامر؟ قولكن الطليان؟؟"
"مكافحة الشَعب مش الشَغَب..".
"غسَّلوا بيروت من الزبالة مشكورين.. بس ما رح يقدروا يغسّلوا الدمّ من عن إيديهن".
"هيدي الفرصة الأقوى لَنَسف أي نظام من جذوره لبناء نظام جديد.. أو سوف نُحكَم الى الأبد.. بالصرماية".
"الموضوع منّو بس الزبالة.. الموضوع هو إنو ما في شغلة واحدة بس..واحدة بس..واحدة بس.. ظابطة من حكم زبالة صرلو 30 سنة".
"ألف شكر لهالدولة العظيمة.. من ورا الزبالة توحدّنا.. لا طائف بقى بينفع ولا طائفية نظام..".
"بس نشفى من عقدة و مرض ٨ و ١٤.. منتحرّر..".
"برأي الوزير طلعوا كل اللي تظاهروا اليوم مجموعة محدودة لديها وجهة نظر.. هيدي أكبر إهانة للشعب.. عفواً زعجناك بهالليل عفواً..".
