استذكرت الممثلة اللبنانية ​غريتا عون​ المؤلف والمخرج ​المسرح​ي الراحل ​ريمون جبارة​ بكلمات مؤثرة حيث كتبت في صفحتها على أحد مواقع التواصل الاجتماعي:

"قديش من الجيل الجديد بيعرف ريمون جبارة أحد كبار الفنانين؟ قديش في ناس بتعرف مسرح ريمون جبارة؟ من " ​تحت رعاية زكور​" لجرائد و أناشيد" ل​زرادشت صار كلباً​" و " ​ذكر النحل​" و غيرن...مسرحيات إستثنائية لرجل إستثنائي... ما ممكن يتكرر...كان دايماً يزعل لمّا يعرف إنو ما عندي عمل جديد و يقلي:" ليه إنتو الكويسين ما عم تشتغلوا؟" بدي قللو إذا إنتَ المفكر و المخرج و المعلم و الكاتب المبدع ما عرفوا قيمتك؟ بدك نحنا الزغار يعرفوا قيمتنا؟
حظي كبير كتير إنو كنت تلميذتك... تعلمت منك كتير و رح تبقى معلّم فيي كل العمر... الى اللقاء".


يذكر أن عون كانت صرحت سابقاً لموقعنا بأنها تشعر بالأسف لتراجع المسرح حالياً لاعتماده اليوم على الضمانات أو على الشانسونييه وكان تمنت أن تدعم الدولة المسرح كي يعود مثلما كان وأكثر.