قالت حبيبي خليك حدي هون
غلغل بِ قلبي ونام بِ ضلوعي
نحلم سوا نحنا ملكنا الكون
ولا توعى عَ كرجة دموعي
بَعْرِفْ بكرا بْ يجي وعَ الحرب اِنتْ بتروح
وبتبقى معي أفكار مجنونة
وبيصير بغيابك العمر يمرؤ بلا روح
واسمك دمع بيصير محفور بِ عيوني
غصيت وقلت يمكن عُوْدْ
ووين ما رحت بقلبي رح تكوني
يا ريت هَ الحرب ما كان الها وجود
لكن وطني ورفاقي بِ الجيش عم ينطروني
وعينا ربينا عَ صدى منجيرة وعود
وغنيات عن وطن للكون كان أيقونة
للحُبْ للجَمَال الفرح والخيرات
وعن "قطعة سما" عَ الارض مسكونة
وفيروز لبنان تسافر ابعد من النجمات
يسكر طرب ع صوتها أرز الرب
وتتمايل معو وراق الغار وشلوح كل زيتونة
وبعدك يا وطني بتنطر على الطرقات
بتنطر بلكي يطل يوسف بك كرم
فخر الدين بشير تَ تزين الساحات
وبتقول لأ ما بتقول: "من القهر خلصوني".
بتحلم المجد يعود وتتوحد الأديان
بِتْصَلّي مع شمس بكرا تَ تنجلي الأحزان
وبتبكي على شهيد متل الورد ضاع
بتدمع على طفل من الظلم جاع
بتتحسر على مهاجر ب يوم الوداع
بتبكي على شعبك بتضحك على شعبك
وبتسأل وينك يا سلم؟ على ربوعي إرجاع
وليش كتر الكذب على ارضي؟
يا ناس خبروني!