ومرقت على بيتك
وحاملك ورد بايدي
بستك وبعدها حضنتك
وشديتك أكثر عليي
فليت وموعدنا بكرة
وقلتي حبيتي الفكرة
وبضحكة عدتها مرة
تنلتقي بكرة عشيي
ورحتلك تاني نهار
نطرت ع دراج الدار
تا صار الفجر صار
عالصبح يوعي فيي
تسألت وسالت حالي
شو يا ترى الحالي
ت هيك قضيتو لحالي
و انت عني مختفية
وقلت تخاطر العذاب
قوم و دق على الباب
و صداكي رد و جاب
جواب يمرجحني شويي
يقلي تركني بخاطرك
كرمالي وكرمال خاطرك
ما ضلني العمر ع خاطرك
و تضلك تبكي عليي
موعدنا ما كان حكي
و بعدني بذكر الحكي
كنتي بوقتها ملبكي
خجلاني مني ومستحية
شو للي غير احوالك
مين اللي خطر عبالك
صارحيني انا قبالك
لو بدك تجرحي فيي
و قالت لهون بكفي
سوى يا عاشق نكفي
لقديش رح ضل اخفي
عليك وعيش المسرحية
و صرخت بوشي حرام
ما ليي بدرب الغرام
وانت اصحى من الاحلام
وانسى غرامك ليي .