هيك الدني مشوارها بيبلش حلو
وكلّ البشر بيكبروا وبيسألوا
كيف البراءة بتختفي عند الكبار
وبيبقى الحلم نرجع شي يوم زغار
هيك الدني كلمات وأماني وسهر
وغرام وقلب يعشق شي ميّة قمر
بس لم تطلع شمس الكون بنورها
بتحيي الفرح وبيرفرفوا بالسما طيورها
هيك حكايتي يا حلو مع عيونك
وشو كان عتم عمري من دونك
هيك الحكي كرج ع شفافي صور
وما عاد يعنيلي بهالدني ولا أيّ قمر
لملمت من زهر الدني كلّ العطر
وحيّكت لعيوني ألف قصيدة وشعر
وفرشت ع شباكي خيوط الغرام
وحرمتها تكون من دونك الأحلام
هيك قلبي تعمشق بغمزات خدودك
وصار العمر كلّو واقف على وجودك
وصرتْ انطر خبارك واتحركش فيك
واخترع ميّة عذر وسبب ت احكيك
حبيبي وحدك الي ولغيرك ما بنفع
ولو قضّي عمري معك منّك ما بشبع
انت الحلا انت الحلم انت الحياة
بحبك انا ورح ضلّ من هلأ للممات .
هيك الدني مشوارها بيبلش حلو
الإثنين 02 شباط 2015 08:16
src="https://files.elfann.com/imagine/pictures_728_400/1811825_1422858000.jpg"
إقرأ أيضاً
آخر الأخبار
- المشاهير العربوائل كفوري يقترب من هذا الرقم بـ "لآخر دقة"
- مشاهير عالميةكيم كارداشيان تتحول إلى باميلا أندرسون
- مشاهير عالميةهل يكون هذا الممثل بديل جوني ديب في Pirates of the Caribbean ؟
- المشاهير العربمنير بو عساف لنانسي عجرم : " كأنِّك خلقتي تا تكوني للفَرَح نَسمِه "
- المشاهير العرب"دكتور فود" إلى القضاء وقضية المخدرات إلى الواجهة مجدداً
الأكثر قراءة
أخبار لم تقرأها بعد