شو بحبّ تمرق قطرات الشتي ع شفافي
تذكرني بنكهة حبيبي اللي اشتقتلو
وشو اشتقت لصدرو الحنون الدافي
بردان قلبي ما فيّ شوفو واوصلّو
شو اشتقت يغمرني وع كتفو نام
وبعيونو حسّ الفرح من جديد
يغنّيلي وتوعى ع الحانو الاحلام
يصير الشتي غيران والدنّي كلّا عيد
ع بالي ارجع ولنّو شي ليلة دقّ ع بابو
ويفتحلي والبسمة تغازل روحي وتشفيها
شو صعب قضّي العمر من بعد غيابو
واتذكر احلى ايّام صعب عليّ امحيها
يا شتي الغفيان ع شرفتو شو نيّالك
طرطق ع شبّاكو وعّي قلّو الحلا مشتاق
ما عاد يعرف من وجوه البشر الا خيالك
وضيّع طعم العسل من بعد ما شفافك داق
قلّو لحبيبي يسعد صباحك يا قمر الحلوين
وجبلي من عندو شوية دفا قرّب تشرين
ومن قهوتو اسرقلك شي فنجان شي شفّة
واغرفلي من نظرات عيونو شي كمشة حنان
ولملم عن كتافو نتفة عطر يحسسني بالامان
ولا تنسى تمرق على شفافو قبل ما ترجع
ومن طعمتون دخلك عبّيلي ولنّو كيس مليان
تداوي عيوني ال من شوقو كل يوم بتدمع
رح انطرك عالسكت توصلّي اغلى امانة
بس ما تطّول غيابك وبعتم الغيم تغيب وتنساني
بيكفّي محرومة من غمرة حبيبي وعيونو
لا تزيدا يا شتي عليّ ورجّع لقلبي حناني .
بحبك بالشتي
الإثنين 01 كانون الأول 2014 08:31
src="https://files.elfann.com/imagine/pictures_728_400/8015031_1417415912.jpg"
إقرأ أيضاً
آخر الأخبار
- مشاهير عالميةناعومي كامبل في كان تعيد إرتداء فستان ارتدته عام 1996
- المشاهير العربسمية الخشاب تتقدم ببلاغ ضد رامز جلال: "ما حصل مهزلة"
- Fashion Newsنور عريضة في مهرجان كان.. أناقة ما بعدها أناقة
- المشاهير العربمحبو نانسي عجرم يحتفلون بـ عيد ميلادها وهي تعيد مشاركة منشور يكشف عن عمرها الحقيقي
- المشاهير العربفتاة تعلن خطوبتها على تامر حسني بفيديو طريف للغاية
الأكثر قراءة
أخبار لم تقرأها بعد