لوما سحرِك عني غاب
ما كان ببالي خطر
أني كنت مثل كتاب
وحُبِك عم يرسم صُوَر
صفحات غدر وعذاب
وكم صفحة عشق وسكر
ورسم عَ صفحة الغياب
لقلب عَ لحظة انتحر
لوما شفتِك هاك اليوم
ما كانت صعبة الدني
ما عم ألقي عليكِ اللوم
أو عم احكي بولدني
وما رح اطلب صلاة وصوم
أو لاقيكي بغير دني
ولا تردي لعيوني النوم
أو تردي عمري الهني
لكن بيكفي عليي بيوم
تتكرمي بكل كم سني
ممكن عم اطلب كتير
ومن حظي ان شفتك مرة
ما بوعدِك شو بصير
واذا بعِّد لِ العَشرة
أو رح احملِك ونحنا نطير
نسهر عَ غيمة سهرة
ونسكر من كاس كبير
لكن خوفي من الفِكرة
انو بعد السَكَر كتير
عطول بتجي الفَكرة.
.
