سألوني عن وطني وليش عيونو عمتدمع
قلتلن لا تخافوا كتير من تحت الشدة عم يطلع
وطني العيش الهني حلو اخضر رح يرجع
مهما عليه تأمروا وخلو المش سامع يسمع
يا وطن اللي ما بِمُوتْ
بِ ضَلّو يعلى ويكبر
بتشوف صليب بِ البيوت
وبتسمع الله واكبر
عاصمتو اسما بيروتْ
وبْزٌغْرا للعالم منبر
وطني حجارو من ياقوتْ
وترابو عطر العنبر
لبنان يا حب كبير
اسمك عالي ما بينطال
ارزاتك عملوا نواطير
وسكنوا بأعلى جبال
تاريخك مجيد كتير
وبتحكي فيه الأجيال
أنبياء وقديسين
من أرضك عملوا معبرْ
وتبقى راية حرية
يا وطني الله يخليك
جيش بهمة قوية
بْدَمو حاضر تَ يفديك
جبالك سهلك والميي
لوحات الخالق عاطيك
وبعدك جنة منسية
شعبك لازم يتذكر
لبنان لولادك قول
انك كنت ورح بتضل
وحدن الهن على طول
وأنك رح بتساع الكل
ولا تخلي بالن مشغول
هيدا يزعل هيدا يفل
بلكي بيتحدوا وبتعود
للسما طفل زْغَيّر .
