صرحت الممثلة المصرية أسماء جلال عن حبها الكبير للفنان اللبناني وائل جسار منذ صغرها، وقالت أسماء جلال خلال لقائها : "بحبه جدا.
. كنت الشخصية الملزقة اللي بحط صوره في كل حتة، وبعدين الموضوع تطور وبقيت غريبة الأطوار جدا وبقيت أحضر حفلاته كلها".
تابعت: "بقى لما يعمل حفلة أكون أول واحدة عارفه مكانها فين وأحجز ترابيزة كاملة ليا عشان أركز معاه، وكنت ألبس فستان حتى لو الناس حواليا لابسة عادي عشان يشوفني، مع إنه متجوز .. فمش فاهمة أنا كنت بعمل ايه".
وأضافت: "طبعا ولا أخد باله مني خالص لحد ما في مرة أعتقد خاف مني وقتها، لأن روحت له كنت عاوزة أتصور معاه، فقلت له عارف إننا هنتجوز؟ قالي والله!!.. كنت صغيرة والله العظيم وقتها يا جماعة.. لسه بحبه بس مش بعمل زي زمان، وربنا يبارك له في مراته وولاده".
وكانت هذه التصريحات خلال لقائها في برنامج "معكم منى الشاذلي" على قناة ON .
