كشف الفنان مصطفى قمر عن أنه يستعد للعودة للسينما من خلال فيلم يحقق فيه أحد أقدم أحلامه الفنية.
وقال مصطفى قمر خلال لقائه مع الإعلامية جيهان عبد الله في برنامج "أجمد سبعة الساعة سبعة" المذاع عبر نجوم إف إم: "في مشروع لكن مفيش تفاصيل غير إنه فيلم غنائي استعراضي بشكل مختلف".
وأوضح مصطفى قمر سبب تكتمه على تفاصيل العمل قائلا: "إحنا في مرحلة استكمال كتابة الورق، ولو قلت حاجة ممكن بكرا ألاقي الفيلم بيتعمل، والحاجات دي واجهتها كتير، ده حلم قديم عندي من لما كان عمري حاجة وعشرين سنة".
كما كشف مصطفي قمر عن تحضيرات أغانيه المقبلة قائلا: "مجهز شوية أغاني حلوة على الصيف ويا رب يعجبوا الناس، منها أغنية اسمها صناعة مصرية، عن البنوتة الصناعة المصرية، ممكن تبقى طفلة أو واحدة بتحبها، وإيه هي الصناعة المصرية دي".
وأضاف: "وفي أغنية هادية اسمها وجع الفراق، كلامها بيقول وجع الفراق أنا وإنت مش حاسينه ليه، رغم إن كل الناس قصادنا حاسة بيه، وبيسألونا عن حالنا، ومالنا إيه جرالنا، يعني اللي بينا مكانش حب، طب اسمه إيه؟ وأغنية اسمها فوق القمر".
