كشفت الإعلامية المصرية رضوى الشربيني تفاصيل جديدة تتعلق بسبب طلاق الفنان المصري أحمد سعد عن زوجته مصممة الأزياء علياء البسيوني، مؤكدة أنها على علاقة وطيدة مع العائلة.
وقالت رضوى أنها ستتحدث فقط من أجل الدفاع عن علياء، ورداً على الهجوم الي تعرضت له بسبب منشورها الذي وصفت فيه أحمد سعد بصفات لم تعجب البعض.
وقالت رضوى الشربيني أن علياء قالت لها: "آه مش لطيف إني عملت المنشور ده، ولكن عملت كده من حرقة قلبي كأم على بنتي، كنت متخيلة إن جوزي هينزل من السعودية، ويعدي على بنته قبل ذهابه للساحل الشمالي لأنها عملت حادثة مع أمي، بعد الدكاترة برة مصر ما قالوا لازم تعمل عملية عشان رجلها متتأثرش في المشي مستقبلا".
وأضافت علياء، بحسب رضوى-: "فوجئت إنه بيقولي لأ هنحطها في الجبس، وأنا مش متأكدة إن ده كويس ليها مستقبلا، رد فعلي مكانش كويس معاه لقيته بيقولي أنا عايز أطلقك ومتخيلتش إن الطلاق هيحصل، جاب المأذون وطلقني، آه غلطت إني عملت كده على السوشيال ميديا وكتبت كده على أبو بناتي، بس حطوا نفسكوا مكاني أم بنتها عاملة حادثة مع أمي، وبنتي بتصرخ ممنوعة من الحركة وعندها أربعين يوم، بدل ما يشوفها طلع على الساحل، آه تجاوزت في طريقة الكلام، كنت بعمل ده كأم فوجئت إنه بيقولي عايز أطلق".
