يحقق الفنان المصري محمد حماقي نجاحاً كبيراً بأغنيته الجديدة التي تحمل إسم "مش كفاية فراق"، إذ إقتربت مشاهداتها من الـ 900 ألف مشاهدة بأقل من يومين على طرحها.
الأغنية من كلمات تامر حسين وألحان تامر علي وتوزيع موسيقي تميم، طرحها حماقي على قناته في يوتيوب.
وتقول كلمات الأغنية:
مشاوير ذكريات وسنين
تفاصيل هنلاقيها في مين
وسؤال كل يوم بليل
راجعين ولا مش راجعين
حواديت زي حب زمان
عناوين روحنا كل مكان
أيام مش بتيجي كتير
أيام تغلب النسبان
يافراق مش كفاية فراق
هرتاح إمتى من الأشواق
وديت ليه حبيبي بعيد
أوجاعي كل يوم بتزيد
يافراق مش كفاية فراق
يا فراق جاي على العشاق
يرضيك هو إحنا أي اتنين
ما تروح روح لناس تانيين
في اليوم ألف مرة بموت
بيبان إني مش مبسوط
وهجيب فرحة تاني منين
ع الفاضي عمري بقى بيفوت
الباب متقفلش وراه
كداب لو هقول أنساه
وهعيش ع الأمل ده هعيش
دي حياتي كلها وياه
يافراق مش كفاية فراق
هرتاح إمتى من الأشواق
وديت ليه حبيبي بعيد
أوجاعي كل يوم بتزيد
يافراق مش كفاية فراق
يا فراق جاي على العشاق
يرضيك هو إحنا أي اتنين
ما تروح روح لناس تانيين
