تحدث الشاعر الغنائي المصري تامر حسين عن الفترة التي كان فيها قريباً من الفنان عمرو دياب، وأكد أنها سببت انتشار شائعة عن أنه البوابة الوحيدة لعرض أي أغنية جديدة على دياب.
وأضاف خلال لقائه مع الإعلامية أسما إبراهيم ببرنامج "حبر سري": "ده مش حقيقي، الناس يمكن افتكرت كده علشان بنشتغل مع بعض دايما، وأنا شوفت ظلم كتير من ناس حاولت توصل لعمرو دياب، وأي حد لا يوفق في إنه يعمل حاجة تعجب عمرو دياب يحملني المسؤولية".
وتابع: "المقربين عارفين إن عمرو دياب عنده وجهة نظره الشخصية وذوقه، وعمري ما أثنيت على أغنياتي مع عمرو، طول الفترة اللي عاشرته فيها كنت بقول له على حاجات مش بتاعتي".
وعندما سئل عما تعلمه من عمرو دياب، قال تامر حسين: "إتعلمت منه كتير، وأهم ميزة فيه الإصرار والشغف وإنه بيدي طاقة لكل اللي حواليه، وكان له جملة عمري ما أنساها، إن أي فنان مشهور عنده المال والستر، لكن شهوة النجاح لا تعادلها أي شهوة".
