كشفت الممثلة إيناس النجار عن جنسيتها للمرة أولى، موضحها أنها تحمل الجنسية التونسية وليست المصرية، بالاضافة الى حديثها عن تفاصيل بدايتها الفنية.
وقالت إيناس": بدأت تمثيل من بدري أوي وأنا صغيرة من سنة 2003 كنت طفلة كان عندي 13 سنة، وأول فيلم عملته مع انتصار كان عندي 16 سنة، أنا وهي كنا صغيرين.
واضافت حول بدايتها الفنية قائلة: والدي الله يرحمه هو اللي كان بيشجعني على التمثيل، وبعدين أختي كانت بتدعمني، وموضوع التمثيل كله جه صدفة لأني كنت بعمل إعلانات، وبعدين دخلت في مسلسل العصيان، وبعدين اترشحت في فيلم ميدو مشاكل، كل حاجة جت صدفة مكنش في حاجة مترتبة.
وتابعت: "أستاذ أحمد السبعاوي هو اللي اكتشفني، وبعدين أستاذ محمد النجار اشتغلت معاه فيلم ميدو مشاكل، وبعدين اشتغلت فيلم بحبك وأنا كمان، فقالي اسم إيناس عبد الناصر تقيل شوية والناس ممكن متفهمهوش، فأنا هكتب اسمك إيناس النجار وهنسبك بنتي فنيًا".
كما تحدثت إيناس النجار عن حياتها الشخصية، مشيرة أنها تُقيم في مصر وتزوجت من رجل مصري، قائلة : "عندي بيت حلو في تونس، ولكن بحلم بـ بيت في مصر لأني عايشة هنا ومستقرة من سنين كتير أوي، وناس كتير أوي بيقولولي لهجتك مصرية أوي، وأنا مقدمة على الجنسية المصرية وإن شاء الله هتيجي".
وجاء هذا الحوار خلال مقابلة لها مع الممثلة انتصار وبدرية طلبة ونوليا، في برنامجهم "من غير نفسنة" قناة "هي":
