أوضحت الممثلة المصرية غادة عبد الرازق حقيقة خلافها مع الممثل المصري أحمد زاهر من وجهة نظرها، وأكدت أنه لا يوجد أي خلاف.
وقالت غادة: "هو بيقول حاجة وهو مش متأكد منها عمري ما كان عندي مشكلة مع أحمد، عمري ما اتخانقت معاه أو شدينا في الكلام، أنا مش مسؤولة عن كلامه، ليلى أحمد زاهر مرشحة معايا لمسلسل "تلت التلاتة" من البداية لحد دلوقت، حتى لو كان عندي مشكلة مع أحمد عمري ما أدخلها في الشغل. أنا عندي نظرة في الممثل اللي مش لازم يبقى دايمًا بيعمل الدور ده، راهنت على محمد القس وراهنت عليه أكتر لما عمل كوميدي، هو ممثل شاطر جدًا وعشان كدا هيقدم دور مختلف في مسلسل تلت التلاتة".
حديث غادة عبد الرازق جاء مع الإعلامية شيرين سليمان في برنامج "سبوت لايت".
يذكر أن مسلسل "تلت الثلاتة" يتألف 15 حلقة، ومقرر عرضه في النصف الثاني من شهر رمضان المقبل، وتظهر غادة بـ 3 شخصيات في الأحداث، الأولى صاحبة شركة عقارات والثانية مصممة أزياء والثالثة كاتبة روائية.
