علقت الممثلة اللبنانية كارمن لبس على الضجة التي أثارها موضوع تأخير العمل بالتوقيت الصيفي، والآخرين الذين لم يلتزموا بقرار حكومة تصريف الأعمال في هذا الخصوص والجدل الذي أثاره، والذي وصل إلى إنقسام حاد في البلد.


وأطلت كارمن في مقطع فيديو للحديث عن الموضوع فقالت :"لك يا جماعة شو عم بيصيبر كيف ما بتفتح التلفزيون كيف ما بتفتح السوشيال ميديا كلو عم يحكي عن الساعة، وكأنو نحنا عايشين ببلد نعيم وكلو فظيع وبجنن بس الساعة كانت هيي المشكلة مشان أشغالنا والقصص اللي عم تصير، ما في شي ماشي بالبلد، يا جماعة نحنا عقلنا أكيد وقف لنكون عم نعلق هلأ عالساعة ما في شي ماشي ما في دوائر ماشية والدولار عم يطلع وبينزل ساعة بيطلع 143 ساعة بينزل 105! ما حدا عم يتحرك المعاشات صارت بتضحك العالم ما قدرانة تاكل وانتو عم تحكو عالساعة.. لأ نحن شعب فظيع، قاعدين يحكو عالدستور إنو دستورياً لا يجوز ..ليه شو فيه شي زابط، ليه شو أيا دستور ماشي بالبلد؟ ما في عنا رئيس ما فيه عنا حكومة ما فيه شي فيه نحنا بس ماشيين والساعة ماشية وعم تحكو عن تقديم الساعة وتأخير الساعة، وكل سنة عم بتعلقو عهيدا الموضوع ليش عم تعملو هيك وبس ما بدن يقدمو الساعة عملتوها مشكلة وعملتوها طائفية وبرمتوها، ليعملوها طائفية معناتا في شي عم يتمرق متل كل مرة، بس يلهو العالم بموضوع ونحنا طبعا عقلنا هالقد واسع وهالقد كبير نحنا ما منفوت بالسخافات هاي ومنعلق تعليقات ومنتمسخر، لاً في شي عم يتمرق، فيه رسالة من صندوق النقد الدولي موجهة لإلنا لهيونا بالساعة وطبعاً نحنا منلتهي بالساعة.. كلنا واقفين والساعة ماشية وانتو معلقين عالساعة ما هوي حديث الساعة ..الساعة".