قدم الفنان المصري تامر حسني اعتذارا للجمهور بعد اتخاذه قرار بعدم نشر أي من أعماله الغنائية عبر حساباته الرسمية على مواقع التواصل الاجتماعي طوال شهر رمضان، ليكون فرصة للعبادة.


وقال تامر حسني في رسالته التي توجه من خلاله للجمهور: "يا شباب في الشهر ده معلش مش هنزل أغاني، وده آخر فيديو وصلي بنزله دلوقتي.. وحقيقي ما شاء الله عليك بجد،أحسنت صوت وإحساس وشخصية في الغناء جميلة جميلة وقبول جميل.. ربنا يوفقك يا حبيبي.. والله لمست قلبي.. بإحساسك وباختيارك للأغنية دي تحديدًا.. وإنّ شاء الله في العيد هرجع أنزل كل فيديوهات حبايبنا الموهوبين بزيادة.. رمضان كريم".
كما كتب تامر حسني عبر حسابه الخاص: "الستوري الشهر ده إن شاء الله فيه كلام مهم نسمعه كلنا ونعرفه، ونعرّفه لبعض عشان نكون سبب خير لبعض إن شاء الله، كل سنة وأنتم طيبين ويارب في الشهر الفضيل ده كل حد فيكوا طلب حاجه من ربنا.. ربنا يحققهاله ويفرح قلبه بيها إن شاء الله قولوا آمين وادعوا كتير".