إستذكرت الفنانة اللبنانية سارة الهاني شقيقتها لينا التي رحلت عن عالمنا في شهر آب من العام الماضي نتيجة حادث سير مروع تعرضت له في الكويت.


وشاركت سارة الجمهور صورة تجمعها بلينا وبناتها، وكتبت: "لينا اختي وحبيبتي وتوأم روحي، بعرف يا اختي انك انتي بمكان احسن ومرتاحه وعم تشوفيني وبدك ياني عيش حياتي واضحك وكمل … بس انتي لينا .. لينا اللي كانت كلها حياة وجمال وقوه وفرح مالية الدني .. كيف ما بدي احزن عليكي وعلى فراقك عني كيف بلحظه بدي حس انه اللي صار خلص ؟؟! ولازم كمل حياتي عادي .. لا يا عمري ..انتي لينا الفرحه اللي راحت واللي بتستاهل اني احزن على فراقها عمر مش بس كم شهر وبتستاهل اني اذكرها كل يوم وكل لحظه وبضل مقصره … انتي يا روحي ما قصرتي انك توزعي فرح وحب وتسامح على كل اللي كانوا حواليكي ولكل الناس … لو بدي قول كل يوم أداي اشتقتلك وأداي بحبك وأداي فراقك مأثر فيي وبكل الناس ما بيوفيكي … بعرف انك حاسه فيي وشايفتيني ورح ضلني اكتبلك واتذكرك وحبك لتخلص الدني يا ملاكي ياللي عايش ورح يضل عايش جوات قلبي لآخر العمر … لو شو ما عملت ما رح اقدر اوفي محبتك وحنيتك اللي كانت وبعدا واللي ما رح تخلص… بحبك".