وجهت الاعلامية المصرية لميس الحديدي رسالة لمنتقدي مسلسل "بالطو" الذي تصدر الترند بعد عرض أولى وثاني حلقاته، لكنه تعرض لهجمة من البعض وصلت لمجلس النواب.
وقالت لميس الحديدي في برنامجها "كلمة أخيرة": "أنا مش هدافع عن المسلسل نفسه فله كتابه وصناعه للدفاع عنه لكن هتكلم في إطار الفكرة العامة المتعلقة بحرية الابداع لاننا مش هنعمل دراما معلبة أو تخص الكائنات الفضائية ماينفعش نشيل كل القضايا ونحط حواجز للابداع سواء في أي قطاع الاقتصاد أو المخدرات ونتكلم عن مجتمع فاضل يعيش في الفضاء في مركبة فضائية لو عملنا كده هتكون دراما ليس لها علاقة بالمجتمع وكلنا تربينا على نجيب محفوظ والعظام".
تابعت لميس الحديدي متسائلة "هل إحنا عاوزين دراما مبسترة وأن الناس عايشة في مدينة فاضلة وعايشين في الفلل وشغالين شغلانات لطيفة ومافيش حاجة في المجتمع ؟ كده هنبقى عاوزين دراما معلبة".
أكملت: لو كل صاحب مهنة إعترض على مسلسل أو إبداع بحجة أن العمل يسيء لمهنة أو مدينة أو اي شيء كده مش هيبقى فيه دراما تعيش وتخلد ولا هتعلق مع الناس لو المحامي قال عيب كده والصحفي قال نفس الكلام الكلام والاطباء برضه مش هيبقى فيها شغل كل مهنة فيها الصالح والطالح وبالتالي إذا كان عايزين مجتمع مستر نروح نعمل مسلسل في مجتمع فضائي و إحنا عاوزين دراما حقيقية ترتبط بالناس لازم يكون لها علاقة بالمجتمع ولها علاقة بالحارات والارياف والازقة والصعيد".
ووجهت رسالة للنائب الذي ناقش الامر في البرلمان قائلة :" إرحمونا إجنا إتحنقنا روح إستخدم أدواتك القرابية في مراقبة الحكومة وخدمة دائرتك".
